गजल - अश्मी जी एम -उन्ले सोधे मेरो बारे मर्यो भन्दिनु है

गजल:-

उन्ले सोधे मेरो बारे मर्यो भन्दिनु है

तिम्रै कारण उस्ले प्राण हर्यो भन्दिनु है|१|

तिम्रो पिरतीमा भाँजो हाल्ने पापी

साँढे सातको दशा अब टर्यो भन्दिनु है|२|

खुन सँग पैसा साँटे पैसा सग बैश उन्ले

यस्तै के के सोची बाच्न डर्यो भन्दिनु है|३|

एका पट्टि धन पायौ अर्को तिर नाठो

तिम्लाई त अपुताली पर्यो भन्दिनु है |४|


नाना थरी हल्ला सुनि बाध्य बनि कठै

जाँड धोकी छत बाट झर्यो भन्दिनु है |५ |


के कसरी किन कैले सोधे भने उस्ले

के था मात्र आत्मा हत्या गर्यो भन्दिनु है |६|

अश्मी  जी एम 

पोखरा नेपाल