गजल -५५-आउन माया बसौ संगै दिउसै रात परे जस्तो

मेरो आजको गजल -५५

आउन माया बसौ संगै दिउसै रात परे जस्तो

तातो रगत् उम्लिएर नसा नसा सरे जस्तो |१|

हेर्दा हेर्दै मंत्रमुग्ध  अनुहार लाल भयो

तिमि लाई हेर्ने चाह पग्लिएर झरे जस्तो |२|

कल्पनामा डुब्दा डुब्दै तिम्रो तस्बिर् कोर्दै थिए

होस मेरो गुम्दै जाँदा सीमापार गरे जस्तो |३|

सपनिमा आत्तिएर तिम्रो नाम जप्दै थिए

बोलाउदा चित्कारले कति ! जंघार् तरे जस्तो |४|

तिमी भयौ समिपमा चुम्बनले चुम्दा चुम्दै

न्यानो माया गाढा हुदै देह मेरो भरे जस्तो |५|

संजय कुमार खड्का

रामेछाप देउराली -८